Ongi etorri 2010

Beste urte bat hastera doa. Zorionak eta urte berri on guztioit!

Argazkia: Nestor Galina (www.flickr.com/creativecommons)

Espainiako erregearen mezua ETB2n emitituko da aurten

Alberto Suriok, EITBko zuzendariak, Eusko Legebiltzarrean esandakoaren arabera, aurten, historian lehen aldiz, Espainiako erregearen gabonetako mezua ETB2n emango dute. Aurtengo berrikuntza izango da, izan ere, orain arte ez dute inoiz ETBn eman Juan Carlos I.aren gabon mezua.

Suriok, EITB herritar guztie zuzendua dagoela azpimarratu du, ez dagoela soilik nazionalistentzat egina. Hori dela eta, "normaltasun instituziolanaren keinutzat" jotzen du mezua emititzearena. Jende asko aurka agertu bada ere, PP eta PSEko ordezkariak mezua emititzearen alde daude.

Berrikuntza honek, ikaragarrizko polemika sortu du jendearen artean, horregatik, egun horretan EITBri boikota egitera deitu dute dozenaka lagunek blogen eta Facebook gisako sare sozialen bitartez.

Zortzi finalistak oholtza gainean berriro ere

Abenduaren 26an, Ordiziako Majori kiroldegian Bertsolari Txapelketa Nagusiko zortzi finalistak abesten ikusteko parada izango da. Izan ere, Argi-Berri elkarteak beste behin ere, zortzi finalistak elkartzea lortu du. 1994ko urtarrilean eman zitzaion hasiera ohitura honi, eta orduan izan zuen arrakasta handiaren ondorioz etorri dira gainontzekoak.

Barakaldokoaz geroztik, Maialen Lujanbio, Amets Arzallus, Jon Maia, Andoni Egaña, Unai Iturriaga, Sustrai Colina, Aitor Mendiluze eta Aitor Sarriegi oholtza gainean elkarrekin ikusteko lehen plaza izango da Ordiziakoa. Saroi Jauregi eta Inaxio Ugaldek jarriko dituzte gaiak. Majorin, 1.500 lagun ingururentzako lekua egongo da, BEC "txiki" batean bilakatuko da beraz, Ordiziako kiroldegia.

Saioa, abenduaren 26n, arratsaldeko seiretan hasiko da. Dagoeneko, salgai daude sarrerak bertara inguratu nahi dutenentzat. Saioan bildutako dirua, Goierriko Bertso Eskolarentzat izango da.

Argazkia: www.txapelketanagusia.eu

Audio-presentazioa

Denok jakin badakigu, gazteluek zein nolako papera jokatu duten gure historian zehar. Horretaz gain ere, badakigu, Euskal Herria hainbat gerraren ondorio izan dela. Nafarroa izan zena izan zelako gara gaur garena. Harira joanez, hementxe duzue Oliteko gazteluari buruz Ainhoa Barandiaranek eta biok egindako audio-presentazioa.

Twitterreko informazio agentziaz

Telebista: Zasi
Albistea:Twitterreko informazio agentziaz
Albistegia: Eguerdiko albistegia
Berriemailea:Izaskun Vazquez Ortiz de Zarate
Atala: Komunikazioa
Iraupena: 38 segundu

Tuenti euskaraz

Gazteon artean oso zabalduta dagoen Tuenti izeneko sare soziala euskaraz dugu eskura pasadan ostegunetik. Dagoeneko erabiltzaileek euskaraz aritzeko aukera izango dute bertan. Horretarako, ez da ezer berezirik egin behar, hizkuntza hautatzerakoan euskara aukeratu eta listo. Aurrerapauso bat beraz, teknologia berriak euskalduntzen doaz.